اقرا و اضحك

من طرف mido zemous 04/10/09, 03:50 am

مرة اتنين بيستعبطوا اتجوزوا و خلفوا ولد عمل نفسه ميت.
استضافوا واحد صعيدي في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة.
صعيدي دخل مسابقة من يكسب المليون سئله جورج قرداحي سؤال كان صعب شويه قام قاله ممكن اتصل بصديق اتصل بصحبه وقاله ياحسنين ايه رايك احسن احزف اجابتين ولا اخد رأي الجمهور.
واحد مسطول راكب طيارة خبط علي كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين.
بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز صفر..
الامريكى: احنا بنفكر نطلع المريخ و نعمل مستوطنات عليه، راح الجهاز صفر.
الصعيدي: إحنا (بنفكر)،راح الجهاز صفر.
مدرس كيمياء رز ق بولد فسماه سامي أكسيد الكربون.
واحد كسول جداً شاف قدامه قشره موز قال يارب استر في الوقعه دي.
واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله.
صعيدي تاجر في الموز خسر علشان بيرمى الموزه المعوجه.
واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى.
واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة .. .المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قالوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات رد العفريت:انا بعمل شاى بس.